隨心之所慾縱口之鳩up

夢

夢與真之間, 就只爭一吋, 於我而言, 之間的間距豈只一吋, 而是光年。

我每天發夢, 每個夢都會出現熟識的人, 在潛意識的驅使之下, 我所發的夢是既新鮮而又觸手不可及。

以最近一個夢為例, 完全是跟隨着之前所發的夢的既定程式: 每天所見的人和事必然出現於其中。與一眾舊同事相聚打邊爐, 與會者都一一出現, 只是形式上有所分別; 眾人一同驅車前往聚會目的地, 但當中有新的成員, 包括中學同學和大學hallmates, 大家竟然互相認識, 實在可貴, 但並非在下感受至深的一點。

在夢中, 那個人當然會出現, 但她的舉動, 令我留下在後睡醒依然感受到的興奮。

兩人關係依然既近且遠, 但她忽爾作出親密舉動(絕無色情成份), 令在下心頭頓覺一暖, 誠然, 並非只有一暖, 而是一種莫名的興奮, 那種感覺令我從頭到腳產生出麻痺的感覺, 好比性交後的歡愉(說得好一點, 應是初戀的感覺) 一覺醒來, 那感覺依然實在。

在下本已波平如鏡的心, 再次躍動起來, 當初所忘懷的感覺又再度來襲, 可惜, 面對現實, 我真的不適合再墮愛河。

給你的話

從古至今, 心臟先生和肺先生一直都是住在左右隔鄰, 日對夜對, 感情要好就不在話下。但在這一陣子, 肺先生就發現心臟先生有點兒不對勁, 每天的工作量突然大增, 平日每分鐘都只是跳夠八十多下就行, 但不知為何會有時跳多幾下, 這個情況更日益嚴重, 心臟先生在不久之前就試過跳到差不多失控, 導致自己勞累不堪, 有了這個前科, 肺先生就當然非常關心心臟先生的情況。

「心臟呀心臟, 你呢排搞邊科呀, 周不時就失驚無神跳多幾下, 係咪有病呀?」肺先生殷切問道, 「阿肺, 我自己都唔係咁清楚, 上次亂咁跳就擺明有病, 不過呢排我見主人都無乜去玩, 今次應該唔係有病, 你都知啦, 我都係收order做事, 阿腦大哥想我點, 我咪點囉, 哎哎哎, 又有order, 我唔同你講, 做野先」說罷, 心臟先生就照order跳多幾下, 今次仲要keep咗好耐, 肺先生見心臟先生咁忙, 都係唔去打搞, 所以決定親自打上去給腦大哥問個究竟。

「阿腦大哥咩事先? 家陣你好唔妥阿心臟咩? 日日都增加佢嘅工作量, 我睇見佢咁辛苦就替佢可憐」「阿肺, 你有想不知喇, 其實個情況都好耐無出現, 家陣再次咁做, 都係情非得已」腦大哥苦口婆心說道, 「你講咩呀? 一舊舊咁, 再講清楚d啦!」阿肺不滿地道, 「實不相瞞, 皆因主人呢排同一位女子相處甚密, 一係就唔見, 一見就由自可, 我自己都失控咁係起勢咁向阿心臟落order, 即使係唔見呢位女子, 只要主人用我黎想睇返佢個樣, 我又會keep住落order, 雖然係咁辛苦, 但我都仲未收到阿心臟有投訴喎」腦大哥詳細解釋後, 肺先生都係一知半解「邊位女子咁把炮, 可以搞到主人日日都用你睇佢個樣呀?」, 「正所謂遠在天邊近在眼前, 呢位女子家陣就聽緊我地講野呀, 搞到我又要落order」腦說, 「邊度呀?」

肺先生真係鍾意問, 其實仲使乜問, 嗰位女子咪係你囉, SHIRLEY~~~~~~

Michel Gondry, I Love You

Michel Gondry, 此乃神人也, 聞名於世之作有《無痛失戀》, 本為音樂錄影帶導演, 其想像力之豐實吾等未可想像, 慾觀其作品, 請到HMV告之售貨員。

吾何以奉此人為神明? 乃觀其超乎想像之MV作品, 令吾歎為觀止, 此人以生活細節, 加之無窮想像力, 每每化腐朽為之神奇, 畫面之豐, 概念之新, 確難想像此人乃地球人也, 吾亦始窺其思考之路, 略有所悟, 將塵世觀念後腦而拋之, 嘗多角度之思考, 每有所新發現, 創意創意, 實乃如此;

你明唔明? 唔明? 你可以打俾我, 我慢慢同你分享

PS: 傑仔: THANK YOU & I MISS YOU (幫智同GARY講埋)

Michel Gondry, I Love You

Michel Gondry, 此乃神人也, 聞名於世之作有《無痛失戀》, 本為音樂錄影帶導演, 其想像力之豐實吾等未可想像, 慾觀其作品, 請到HMV告之售貨員。

吾何以奉此人為神明? 乃觀其超乎想像之MV作品, 令吾歎為觀止, 此人以生活細節, 加之無窮想像力, 每每化腐朽為之神奇, 畫面之豐, 概念之新, 確難想像此人乃地球人也, 吾亦始窺其思考之路, 略有所悟, 將塵世觀念後腦而拋之, 嘗多角度之思考, 每有所新發現, 創意創意, 實乃如此;

你明唔明? 唔明? 你可以打俾我, 我慢慢同你分享

PS: 傑仔: THANK YOU & I MISS YOU (幫智同GARY講埋)